Prezıdenttiń jańa merzimdegi alǵashqy Jarlyǵy aýyldy damytý jóninde bolady
Memleket basshysy Qasym-Jomart Toqaev búgin aýyldy damytý máselesi týraly Jarlyqqa qol qoıady, dep habarlaıdy almaty-akshamy.kz
«Qazir – saılaýdaǵy jeńisti toılaıtyn kez emes, aıanbaı eńbek etetin kez. Sol sebepti, arqany keńge salmaı, birden iske kirisýimiz kerek, bosańsýǵa bolmaıdy. Osy oraıda, eń aldymen qolǵa alatyn birneshe máselege arnaıy toqtalǵym keledi. Men saılaýaldy sózderimde aýyldy órkendetý isine basa nazar aýdardym. Búginde Qazaqstan halqynyń 40 paıyzǵa jýyǵy aýylda turady. «Aýyl – el besigi» dep halqymyz beker aıtqan joq. Sondyqtan, aýyldaǵy jaǵdaıdy jaqsarta almasaq – bárimizge syn. Sol úshin men búgin aýyldy damytý máselesi týraly Jarlyqqa qol qoıamyn», - dedi Qasym-Jomart Toqaev Prezıdentti ulyqtaý rásiminde.
Prezıdent osy qujat arqyly Úkimetke aýyldy damytýdyń 5 jylǵa arnalǵan naqty josparyn ázirleýdi tapsyratynyn aıtty.
«Bul meniń jańa prezıdenttik merzimdegi birinshi Jarlyǵym bolady. Úkimet aýyldy damytýǵa arnalǵan barlyq jobany júıeli túrde rettep, jınaqtaýǵa tıis. Sodan keıin maqsatty túrde tıimdi jumys júrgizemiz», - dedi Q. Toqaev.