Áleýmettik jelide aýtızmi bar balalarǵa qatysty dóreki pikir jazyp, synǵa qalǵan bloger keshirim surap, vıdeo jarıalady, dep habarlaıdy Aqshamnews.kz tilshisi.
Jarıalanǵan vıdeoda ol óz sózderiniń emosıaǵa berilip aıtylǵanyn jáne eshqandaı jaman nıetpen jazylmaǵanyn jetkizdi.
"Instagram-da bir vıdeo kórip, ókinishke qaraı, emosıaǵa erip óte aýyr pikir aıtyp qoıdym. Biraq men ata-analardy renjitý nemese balalarǵa zıan tıgizý oıymda bolǵan joq. Bul ashý ústinde jazyldy, sózimniń ózgelerge qalaı áser etetinin oılamappyn", – dedi ol.
Bloger balalarǵa qatysty kez kelgen taqyryptyń asa sezimtal qabyldanatynyn atap ótti.
"Sondyqtan aýtızmi bar balalardyń ata-analarynan shyn júrekten keshirim suraımyn. Eshkimdi renjitkim kelgen joq, tek oılanbastan jazyp qoıdym. Balalar – ár ata-ana úshin eń qymbat. Al balanyń aýrýyn eshkim tańdamaıdy", – dedi ol óz úndeýinde.
Eske salaıyq, buǵan deıin Raıhan esimdi blogerdiń ústinen aýtızmi bar balalarǵa qatysty jazǵan pikirine qatysty is qozǵalǵanyn jazǵan edik.