Elimizdiń atynan "Bilim-ınnovasıa" lıseıi men Respýblıkalyq fızıka-matematıka mektebiniń 11-synyp oqýshylary: Daryn Smaıyl, Arnar Dáýletqul, Ádil Tursynǵalı, Abbas Pahrıdın, Osman Akıpbek, Asylhan Ybyraı, İlıas Áshiralın, Aldıar Dáýletuly, Janaıym Sabyrjan, Ǵazıza Kýngojına qatysty.
Jarysqa 11 elden barlyǵy 400-ge jýyq bala qatysty. Fınaldyq kezdesýde qazaqstandyq mektep oqýshylary BAÁ komandasymen odaqtasyp, jeńiske jetý úshin kúresti.
Eki kúnniń qorytyndysy boıynsha oqýshylar eki marapatqa ıe boldy: Finalist Alliance Captain jáne Motivate Award nomınasıasynda birinshi oryn.
"Alǵashqy eki kúnde biz jeńilissiz alǵa shyqtyq. Oıynnyń sońǵy kúni qıynyraq boldy, biraq fınalǵa óttik. Biz robot oıynynda jaqsy óner kórsetip qana qoımaı, qazylar alqasynyń aldynda óz portfolıomyzdy qorǵaı alǵanymyzǵa óte qýanyshtymyz", - deıdi komanda kapıtany Daryn Smaıl.
Eske salaıyq, komanda Qazaqstan Respýblıkasy Oqý-aǵartý mınıstrliginiń qoldaýymen USTEM Foundation qory men "Daryn" RǴPO uıymdastyrǵan Central Asia FIRST Championship Ortalyq Azıa chempıonaty kezinde álem chempıonatyna joldama alǵan bolatyn. Chempıonatta jeńiske jetý bizdiń oqýshylar úshin álemdik jetekshi joǵary oqý oryndaryna grant alýǵa jol ashady.