Mamandar qundy zattarǵa toly mekendi áli bir zerttemek
Tarıhy tereń Áýlıeata óńirinde taǵy bir kóne qalanyń orny tabyldy. Arheologtar 600 gektar aýmaqty alyp jatqan shahar Túrki qaǵanatyna tıesili bolǵan dep otyr. Bul týraly Almaty-akshamy.kz Habar 24 arnasyna silteme jasap habarlaıdy.
Qazba jumystary 20 kún buryn Jambyl aýdanyndaǵy Qumtıyn aýylynyń mańynda bastalǵan. Mamandar munda 6-12 ǵasyr aralyǵyna tán, bıiktigi 12 metrge deıin jetetin Qarakemer qalasy bolǵanyn anyqtady. Ázirge kóne shahar aýmaǵynan birneshe bólmelik úıler men qysh qumyralar, jan-janýarlardyń súıegi jáne oshaq orny tabyldy. Tarıhı jádigerlerge qarap, qalashyqta egin men mal sharýashylyǵynyń jaqsy damyǵanyn ańǵarýǵa bolady. Arheologtardy 1200 gradýs temperatýrada balqyǵan shynylardyń shyqqany tańǵaldyrdy. Mamandar qundy zattarǵa toly mekendi áli bir zerttemek.
«Tórtkúltóbe 1-de kólemi 11/12 metrlik qazba jumystary júrgizildi. Nátıjesinde birneshe bólme oryndary anyqtaldy. Bul jerde uzyndyǵy 15 metrden asatyn, qabyrǵasy, bylaısha aıtqanda, qurylystyń kesik deıdi ǵoı, qımasyn anyqtaý maqsatynda qazir tazalaý jumystary júrgizilip zerttelip jatyr», - deıdi arheolog Eraly Aqynbek.