Vırýs áli de tarap jatyr
Koronavırýs pandemıasynyń aıaqtalýyna baılanysty eldegi barlyq shekteý alyndy, dep habarlaıdy Almaty-akshamy.kz Densaýlyq saqtaý mınıstrliginiń baspasóz qyzmetine silteme jasap.
"Dúnıejúzilik densaýlyq saqtaý uıymynyń COVID-19 pandemıasynyń aıaqtalýy, Qazaqstanda jáne álemde koronavırýs ınfeksıasy boıynsha epıdemıologıalyq jaǵdaıdyń turaqtanýy týraly habarlaýyna baılanysty, bilim berý uıymdarynda, sondaı-aq Ashyq jobasynda halyqtyń arasynda koronavırýs ınfeksıasyna qarsy kúres jónindegi shekteý sharalaryn kózdeıtin Qazaqstan Respýblıkasy Bas memlekettik sanıtarlyq dárigeriniń qaýlylarynyń kúshi joıyldy", - delingen habarlamada.
Osylaısha, "Qazaqstan Respýblıkasynyń Bas memlekettik sanıtarlyq dárigeriniń keıbir qaýlylarynyń kúshin joıý týraly" Qazaqstan Respýblıkasynyń Bas memlekettik sanıtarlyq dárigeriniń 2023 jylǵy 19 mamyrdaǵy №5 qaýlysyna qol qoıyldy. Osy qaýlynyń tolyq mátinimen Qazaqstan Respýblıkasy Densaýlyq saqtaý mınıstrligi Sanıtarlyq-epıdemıologıalyq baqylaý komıtetiniń saıtynda tanysýǵa bolady.
"Sonymen qatar COVID-19 koronavırýs ınfeksıasy joıylmaǵanyn habarlaımyz, vırýs áli de tarap jatyr, biraq aýrýdyń salystyrmaly túrde jeńil aǵymyn eskere otyryp, keıinnen halyqtyń syrqattanýshylyǵyn baqylaý basqa vırýstyq ınfeksıalarmen qatar turaqty negizde júzege asyrylady", - delingen habarlamada.