Qaýip tóndirý yqtımaldyǵyna baılanysty qosymsha tekserýden ótedi.
Germanıanyń «Ramshtaın» bazasyna evakýasıalanǵan 30 myń aýǵannyń 200-ge jýyǵy qaýip tóndirý yqtımaldyǵyna baılanysty qosymsha tekserýden ótedi. Bul týraly shtab bastyqtary birikken komıtetiniń tóraǵasy Mark Mıllı málimdedi, - dep habarlaıdy Almaty-akshamy.kz Tengrinews.kz-ke silteme jasap.
«Munda 30 myńǵa jýyq adam tekserý prosesinen ótti, eki júzge jýyǵy qyzylmen belgilendi», - dedi Mıllı AQSH-tyń Germanıadaǵy bazasynda FoxNews basylymyna bergen suhbatynda.
Onyń aıtýynsha, evakýasıalanǵandar saýsaq izin tapsyryp, bazalarda bıometrıkalyq tekserýden ótedi, eger kúdik týyndasa, olar sary nemese qyzyl túspen belgilenedi, al materıaldar FBR agentterine tapsyrylady.
Mıllıdiń aıtýynsha, terorızm 2-2,5 jyl ishinde qaıta jandanýy múmkin. Ol amerıkalyq zań shyǵarýshylar aldynda dál osyndaı pozısıany aıtqanyn eske saldy.
Buǵan deıin amerıkalyq aqparat quraldary Amerıka Qurama Shtattary óz terıtorıasyna terorıstik toptarmen baılanysy bar dep júzge jýyq aýǵan bosqynynan kúdiktengenin jáne qosymsha tekserýge Kosovoǵa keminde ekeýin jiberýge nıetti ekenin habarlady.
AQSH sheneýnikteri eldiń ár aımaǵyndaǵy segiz áskerı bazada 50 myń aýǵan bosqynyna arnalǵan oryn daıyndap jatqanyn aıtady.