Premer-Mınıstrdiń orynbasary – Saýda jáne ıntegrasıa mınıstri Serik Jumanǵarın gýmanıtarlyq jáne saýda mısıasymen Kabýlǵa bardy.
Dári-dármek qoraptary áýe joly arqyly jetkizildi. Jalpy kólemi 5 403 tonnany quraıtyn (81 vagon) negizgi gýmanıtarlyq júk temirjol kóligimen jetkizildi, dep habarlaıdy Almaty-akshamy.kz Ulysmedia.kz-ke silteme jasap.
Gýmanıtarlyq kómek azyq-túlik ónimderinen (sút konservileri, ósimdik maıy, un, qaraqumyq) turady.
«Prezıdent tapsyrmasy boıynsha biz Qazaqstan halqy atynan Aýǵanstanǵa gýmanıtarlyq kómek jetkizý úshin keldik. Bizdiń gýmanıtarlyq mısıamyz qasıetti Ramazan aıyna tuspa-tus kelip otyr. Osynaý musylmdandar úshin berekeli ýaqytta barshaǵa beıbitshilik pen tynyshtyq tileımiz», — dedi Serik Jumanǵarın.
Aýǵanstanǵa sapary aıasynda Serik Jumanǵarın Saýda jáne ónerkásip, Syrtqy ister, baılanys jáne telekomýnıkasıa mınıstrleriniń mindetin atqarýshy, vıse-premerdiń m.a. Abdýl Ganı Baradarmen kezdesti.
Aıta keteıik, 2022 jyly Qazaqstannan Aýǵanstanǵa eksport 2,1 ese ósip, $978,9 mln-dy qurady. Qazaqstannan Aýǵanstanǵa eksport 2023 jyldyń qańtar-aqpan aılarynda 95%-ǵa ósip, $281,5 mln-dy qurady. Aýǵanstannan Qazaqstanǵa ımport 2023 jylǵy qańtar-aqpanda 28,3%-ǵa ósip, $1,1 mln-dy qurady.