2020 jyldyń qorytyndysy boıynsha 55,2%-ǵa artyp, 623,6 mln AQSH dollaryn qurady.
Saýda jáne ıntegrasıa vıse-mınıstri Qaırat Tórebaev Aýǵanstan Islam Respýblıkasy Prezıdentiniń saıasat jáne strategıa jónindegi bas dırektory Harrıs Mananmen ekijaqty saýda-ekonomıkalyq baılanystardy nyǵaıtý jáne ózara saýdany ulǵaıtý máselelerin talqylaý boıynsha onlaın kelissózder júrgizdi, dep habarlaıdy Almaty-akshamy.kz.
«Koronavırýs pandemıasynyń saldaryna qaramastan, Qazaqstan men Aýǵanstan arasyndaǵy ózara saýda kólemi 2020 jyldyń qorytyndysy boıynsha 55,2%-ǵa artyp, 623,6 mln AQSH dollaryn qurdy», delingen Saýda jáne ıntegrasıa mınıstrliginiń baspasóz qyzmetiniń habarlamasynda.
Qaırat Tórebaevtyń habarlaǵanyndaı, 2021 jyldyń qańtar-sáýir aılarynda taýar aınalymy 2,8%-ǵa ósip, 163 mln AQSH dollaryn qurasa, osy kezeńdegi eksport kólemi 2,5%-ǵa ósip, 161,8 mln AQSH dollaryn qurady.
Taýar aınalymy ósýiniń oń serpinin qoldaý maqsatynda jáne taýar aınalymyn ulǵaıtý jónindegi sharalar retinde qazaqstandyq tarap elder arasyndaǵy eksport qurylymyn ártaraptandyrýdy júrgizýdi usyndy.
«Qazaqstandyq sarapshylar Aýǵanstan naryǵyna Qazaqstannan jetkizilýi yqtımal taýarlardyń tizimin daıyndady. Bul 45-ten astam ónimniń jalpy somasy $360 mln quraıdy, máselen, bizdiń munaı-hımıa (somasy $91 mln), tamaq (somasy $226,2 mln), metalýrgıa (somasy $15 mln), mashına jasaý (somasy $2,4 mln), hımıa (somasy $16,8 mln), jeńil ónerkásibi (somasy $6,4 mln), aǵash óńdeý jáne jıhaz (somasy $2,1 mln. salalarynyń ónimderin jetkizýdi ulǵaıtýǵa múmkindigimiz bar», –dedi Saýda jáne ıntegrasıa vıse-mınıstri Qaırat Tórebaev.
Kezdesý barysynda vıse-mınıstr Qaırat Tórebaev saýda yntymaqtastyǵyn odan ári damytý maqsatynda Qazaqstan Aýǵanstannan jemister men kókónisterdi satyp alýǵa daıyn ekenin atap ótti. Odan basqa, qazaqstandyq tarap Termez halyqaralyq saýda ortalyǵy bazasyndaǵy yntymaqtastyqqa qyzyǵýshylyq bildirdi.
Qaırat Tórebaevtyń pikirinshe, elder arasynda ınvestısıa kólemin qarqyndatý qajettiligi de bar. Osyǵan baılanysty «Qorǵas» SHYHO áleýetin QHR naryǵyna kóterme-bólshek eksporttaý úshin alań retinde paıdalaný usynyldy.
Osy kezdesýdiń nátıjesi retinde qazaqstandyq tarap aǵymdaǵy jyly qazaqstan-aýǵanstan bıznes-forýmyn uıymdastyrýdy usyndy.