Almatynyń ınternasıonalıs jaýyngerleri Keńes áskerleriniń Aýǵanstannan shyǵarylǵanyna 35 jyl tolýyna oraı arnaıy tólemder alady. Almatyda 15 aqpanǵa deıin aýǵan ardagerlerine 100 myń teńge kóleminde birjolǵy materıaldyq kómek kórsetiledi.
Bul týraly Óńirlik komýnıkasıalar qyzmetiniń alańynda Aýǵanstandaǵy soǵys ardagerleri men múgedekterin úılestirý keńesiniń tóraǵasy Murat Ábdishúkirov aıtyp berdi, dep habarlaıdy Almaty-akshamy.kz
Almatyda qazir Aýǵan soǵysynyń 2389 ardageri turady, olardyń 1100-i múgedek.
«Almaty ákimdigi ardagerlerdi qoldaıdy jáne 15 aqpan qarsańynda jáne 9 mamyrǵa qaraı ınternasıonalıs jaýyngerler 100 myń teńgeden alady», - dedi M.Ábdishúkirov.
Ol Aýǵan soǵysynyń ardagerleri medısınalyq kórsetkishteri boıynsha sanatorıı-kýrorttyq em ala alatynyn aıtty. Qazir kvota jylyna 170 joldamaǵa deıin ulǵaıtyldy.
Esterińizge sala keteıik, 2024 jyly Keńes áskerleriniń Aýǵanstannan shyǵarylǵanyna 35 jyl tolady. Osyǵan oraı, 2024 jylǵy 15 aqpanda saǵat 11:00-de 28 gvardıashy-panfılovshylar saıabaǵynda Aýǵanstanda qaza tapqan almatylyqtarǵa máńgilik alaý men eskertkishke gúl shoqtaryn qoıý rásimin ótkizedi.