Sondaı-aq, mereke aıasynda ýnıversıtet túlegi, mesenat Serikjan Seıitjanov atyndaǵy aýdıtorıanyń ashylýy ótti. Ýnıversıtettiń ǵylymı áleýetin odan ári nyǵaıtýǵa jańa serpin beretin 4 ǵylymı zerthana paıdalanýǵa berildi, dep habarlaıdy almaty-akshamy.kz
«QR Ulttyq Ǵylym akademıasynyń akademıgi Murat Jurynuly Jurynov atyndaǵy aýdıtorıada sheteldik ǵalymdar men profesorlardyń dáristeri, sabaqtary, kezdesýleri ótedi. Murat Jurynuly Sizge Qazaqstan ǵylymyna qosqan baǵa jetpes úlesińiz úshin zor alǵysymyzdy bildiremiz. Qazir sizdiń jolyńyzdy jalǵastyratyn hımıkter, ǵalymdar urpaǵy ósip keledi. Bizdiń ýnıversıtet ǵylymı qyzmetti damytýǵa úlken kúsh salýda», - dep atap ótti Auezov University rektory Darıa Qojamjarova.
Sonymen qatar, jańa zerthanalar jastardy stýdenttik ǵylymǵa yntalandyrý jáne tartý úshin ashyq. Zerthanalar zamanaýı jabdyqtarmen, tıimdi tehnologıalarmen jabdyqtalǵan, olarda stýdentterdi jaıly oqytý úshin barlyq qaýipsizdik sharalary saqtalǵan.
«Azyq-túlik bıotehnologıasy» zerthanasy aýyl sharýashylyǵy ónimderi men shıkizatyn óńdeýge jáne saqtaýǵa arnalǵan. Ýnıversıtet ǵalymdarynyń aıtýynsha, otandyq aýyl sharýashylyǵy ónimderin óndirý jáne qaıta óńdeý tehnologıalary ónimdi álemdik naryqqa eksporttaý múmkindigin arttyrady. Sonymen qatar, zerthanada óndiris salasynda irgeli jáne qoldanbaly zertteýler júrgiziledi.
«Hımıalyq óndiris prosesteri men apparattaryn modeldeý» zerthanasynda ǵalymdar bastapqy tujyrymdamadan sońǵy ónimge deıin ınovasıalyq, únemdi jáne ekologıalyq taza sheshimderdi ázirleýmen aınalysady.
«Auezov REILEAP leather center» negizgi maqsaty - doktoranttar men magıstranttarǵa terini óńdeý, bylǵarydan jasalǵan buıymdar men aıaq kıim materıaldary salasynda ǵylymı zertteýler júrgizýge múmkindik berý. Zerthanada halyqaralyq jobalarǵa usynystar daıyndalady, joǵary oqý oryndarynyń bilim alýshylary men bylǵary ónerkásibiniń qyzmetkerleri úshin arnaıy oqý kýrstary ótkiziledi.
«Aýyz sýdy daıyndaýdyń tıimdi tehnologıalaryn ázirleý jónindegi keshende» tirshilik áreketiniń qajettilikteriniń ǵylymı-ádistemelik negizderi ázirlenedi, jer asty sýlaryn tazartý ádisteri zerdelenedi.
Aıta ketý kerek, ýnıversıtet qabyrǵasynda aǵymdaǵy jyly 56 ǵylymı joba ázirlenýde, sondaı-aq komersıalandyrý boıynsha 4 joba iske asyrylýda.