Qala ákimi Erbolat Dosaev Áýezov aýdanynyń turǵyndarymen ótken eseptik kezdesýde aýdannyń ekonomıkalyq kórsetkishteri týraly aıtyp berdi.
Kezdesýdi ashqan qala basshysy tarıhı tyǵyz qonystanǵan Áýezov aýdanynda bıznes-ortanyń belsendi damyp kele jatqanyn atap ótti. Investısıalar ótken jyldyń sáıkes kezeńimen salystyrǵanda 11%- ǵa ósip, 37,4 mlrd teńgege jetti, dep habarlaıdy almaty-akshamy.kz.
Salyq tólemderi 137 mlrd teńgege jetti, ıaǵnı 39%. Tek jarty jyldyń ishinde 3 myńnan astam jańa turaqty jumys orny ashyldy.
Bıyl aýdan búdjeti 10 mlrd teńgege, al 2023 jyly 26 mlrd teńgege ulǵaıǵan edi. 2024 jylǵy maýsymda búdjet taǵy 25%-ǵa ulǵaıyp, 45 mlrd teńgeni qurady.
«Búdjet qarajaty ınjenerlik jáne jol ınfraqurylymyn damytýǵa, sondaı-aq qoǵamdyq keńistikterdi jaılastyrý jónindegi jobalardy iske asyrýǵa baǵyttalady», - dedi Almaty ákimi.