Almatynyń Áýezov aýdanynda 2023 jyly SHOB belsendi sýbektileriniń sany 14 paıyzǵa artty
2024 jyly Almatynyń Áýezov aýdanyna áleýmettik ınfraqurylymdy damytýǵa, syrtqy jaryqtandyrýdy jańǵyrtýǵa jáne sporttyq jáne shyǵarmashylyq úıirmelerdi iske asyrýǵa 36 mlrd teńge bólindi. Bul týraly Almaty ákimi Erbolat Dosaev qala turǵyndarymen kezdesýde málimdedi. Osylaısha, aýdandy qarjylandyrý 2023 jylmen salystyrǵanda 40%-ǵa ósti.
"Áýezov aýdany eń tyǵyz qonystanǵan, ınfraqurylymy men bıznes ortasy damyǵan. Munda qalanyń árbir altynshy bıznes sýbektisi jumys isteıdi. 2023 jyly SHOB belsendi sýbektileriniń sany ótken jylmen salystyrǵanda 14%-ǵa,52 myńǵa deıin ósti, bul Áýezov aýdanynda 7 myńnan astam turaqty jumys ornyn qurýǵa jáne salyq túsimderin 36% - ǵa, 218 mlrd teńgege deıin arttyrýǵa múmkindik berdi", - dep atap ótti qala basshysy.
Fýnksıalardy ortalyqsyzdandyrýdy eskere otyryp, Áýezov aýdanynyń búdjeti 2023 jyly 2,2 esege , 11,5-ten 26 mlrd teńgege deıin ulǵaıdy. Bul rette 2023 jylǵa arnalǵan "Halyq qatysatyn búdjet" jobasyn iske asyrýǵa Almatynyń barlyq aýdandaryna 15,5 mlrd teńge bólindi, 2024 jylǵa bul jobanyń búdjeti 17 mlrd teńgege deıin ulǵaıtyldy.