Áýejaı qyzmetkerleri barlyq jolaýshylardy jiti tekserýi mindet. Al adam bilmestikten bir erejeni buzyp qoısa, tekseris uzaqqa sozylýy yqtımal. Keıde bul júıkege artyq salmaq bolyp túsedi, - dep habarlaıdy Almaty-akshamy.kz Tengritravel.kz-ke silteme jasap.
Jaqsy demalystan keıin adamdar úıine tek bazarlyq qana emes, dámdi birdeńe de alyp qaıtqysy keledi, máselen hosh ıisti irimshik. Alaıda irimshik pen et sıaqty organıkalyq ónimder qyzmetkerler qarap otyratyn ekranda sary túspen kórsetiledi de, artyq suraqtar týdyrady.
Júkti erterek ólshep alyńyz
Júkti úıde nemese áýejaıdyń tirkelý aýmaǵynda ornalasqan tarazyda ólshep alyńyz. Júgińiz artyq bolyp ketip jatsa, sómkelerdiń ishindegini teń etip bólýge nemese keregi joq zatty tastaýǵa bolady. Áıtpegende artyq aqsha tóleýge týra keledi.
Óz kelbetińizge mán berińiz
Aıaq kıimde baý, bıik ókshe bolmaǵany abzal, kerek jaǵdaıda jyldam sheshe alý úshin. Ústińizge de qarapaıymdaý kıim kıgen jón: qaltasy azdaý jáne temir-terseksiz. Óıtkeni metal tekseris kezinde qatty dybys shyǵarady. Saǵat pen shashqa arnalǵan temir buıymdardy aldyn ala sheship qoıǵan durys.
Usaq zattardy qalta nemese kishkene sómkege jınap qoıyńyz
Kilt pen telefondy qalta nemese ıyqqa asa salatyn kishkene sómkege salyńyz. Olardy tekseris kezinde jyldam alyp shyǵyp, kórsetip, tekseristen ótkennen keıin jyldam qaıtyp alasyz. Osylaısha, usaq-túıekti joǵaltyp júrmeısiz.