Mınıstr Arman Shaqqalıev zań jobasyna engizilgen jańashyldyqtar men joıylǵan quqyqtyq kemshilikterge de toqtaldy, dep habarlaıdy aqshamnews.kz
Endi qaıtarýǵa jatpaıtyn taýarlar tiziminen medısınalyq buıymdar, uıaly baılanystyń abonenttik qurylǵylary alynyp tastaldy. Avıabıletterdi satyp alý jáne týrısik qyzmet kórsetý týraly sharttar boıynsha 100 paıyz qaıtarylmaıdy degen uǵym alynyp tastaldy. Sondaı-aq nesıege satyp alǵan taýarlardy qaıtarý sharttary belgilendi.
Aıta keteıik, tutynýshylardyń quqyqtaryn qorǵaý týraly Zańǵa sońǵy túzetýler tórt jyl buryn engizilgen. Biraq is júzinde onyń qazirgi ýaqyt talabyna sáıkes kelmeıtini jáne kemshilikteri kóbeıdi. Sondyqtan búgin májiliste jańa túzetýler engizý kerektigi aıtyldy.
Jalpy 2021 jyly tutynýshylardyń quqyqtaryn qorǵaý Komıtetine tutynýshylardyń 25 myń ótinishi kelip tústi, 2022 jyly 30 myń, 2023 jyly olardyń sany 51 myńǵa deıin ósti. Tutynýshylardyń elektrondyq saýda salasyndaǵy buzýshylyqtarǵa qatysty shaǵymdary 2023 jyly 7732 shaǵym tústi, - dep habarlady saýda jáne ıntegrasıa mınıstrligi.