Uzyndyǵy 27,5 km 2 magıstraldy kóshege ortasha jóndeý júrgizý kózdelgen.
6 maýsymnan bastap Ál-Farabı dańǵylyndaǵy «Esentaı» ózeni arqyly ótetin kópirdi keńeıtý jumystary bastaldy, dep habarlaıdy Almaty-akshamy.kz
Osy joba aıasynda joldyń eki jaǵynan erekshe qajettilikteri bar adamdarǵa arnalǵan pandýstarmen jabdyqtalǵan eki velo-jaıaý júrginshiler kópiri salynyp jatyr. Kópirdi keńeıtý – 2023 jyldyń 1 qyrkúıegine deıin; velo-jaıaý júrginshiler kópirleriniń qurylysy - 2023 jyldyń 15 qazanyna deıin aıaqtalady.
Aýdannyń jol ınfraqurylymyn jaqsartý úshin 23 kóshege, onyń ishinde uzyndyǵy 27,5 km 2 magıstraldy kóshege ortasha jóndeý júrgizý kózdelgen.
Bıyl maýsym aıynan bastap 2 magıstraldy kóshede ortasha jóndeý jumystary júrgizilýde, aıaqtalýy – 1 qyrkúıekke deıin. Buǵan deıin jóndeý jumystary Ál-Farabı dańǵylynda 2010 jyly, Abaı dańǵylynda 2012 jyly júrgizilgen.
Sondaı-aq maýsym aıynan bastap 3 kósheni ortasha jóndeý jumystary bastaldy. Qalǵan 18 kóshede jumystar 15 shildeden bastalady. Barlyq jumystar bıyl qazan aıyna deıin aıaqtalady.
Desentralızasıa aıasynda aýdan ákimdigi maýsym aıynan bastap aýdan kósheleri men jol ótkelderindegi shuńqyrlardy jóndeý jumystaryn júrgizýde. Barlyǵy 500 mln teńgege jalpy aýdany 60 myń sharshy metrdi jóndeý josparlanǵan. Qazirgi ýaqytta 4,0 myń sharshy metr asfált tóseldi.
Jol qaýipsizdigin qamtamasyz etý maqsatynda bıylǵy 30 qarashaǵa deıin 8 svetofor obektisin ornatý josparlanýda.
Halyqqa kólik qyzmetin kórsetý sapasyn jaqsartý úshin 21 marshrýtta 288 avtobýs jańartyldy.
Budan basqa, osy jyldyń sońyna deıin jeke tasymaldaýshylar marshrýttaryndaǵy 44 avtobýsty jáne «Almatyelektrotrans» JSHS marshrýttaryndaǵy 193 avtobýsty jańartý josparlanýda.