Jasóspirimniń qabyrǵasy synǵan, denesinde túrli jaraqattar men kógergen daqtar bar.
Atyraýlyq er adam 11 jasar qyzyn uryp-soǵyp, duǵa jasaýǵa májbúrlegen. Ákesinen zábir kórip, úıinen qashyp ketken jasóspirim kámeletke tolmaǵandardy beıimdeý ortalyǵynda turyp jatyr, dep habarlaıdy Almaty-akshamy.kz.
Bul jaıynda ózin beıimdeý ortalyǵynyń qyzmetkerimin dep tanystyrǵan Dılnaz Ádiljanqyzy áleýmettik jelige jazdy. Onyń aıtýynsha, 11 jasar qyzdyń anasy túrmege túsken.
Bostandyqqa shyqqan soń, balalarynan bas tartyp, otbasynan ketip qalǵan.
«Byltyr jasóspirim qyz ájesinen aýrýhanaǵa aparýdy ótingen. Aýrýhana dárigerleri jasóspirimniń denesinen jaraqatty, kógergen daqty, qabyrǵasy synǵanyn anyqtaǵan. Ol kezde bala dárigerlerge eshteńe aıtpaǵan. Al, bıylǵy qańtarda synyptasynyń ákesinen kómek suraǵan. Ol jasóspirimdi polısıaǵa jetkizgen. Polısıa qyzmetkerleri ákesinen qorlyq kórgen qyzdy kámeletke tolmaǵandardy beıimdeý ortalyǵyna ornalastyrdy», -deıdi Dılnaz Ádiljanqyzy Facebook paraqshasynda.
Qazir psıhologtar qorlyq kórgen jasóspirimmen jumys istep jatyr.
Al polısıa qyzmetkerleri QR Qylmystyq kodeksiniń 110-babynyń 2-bóliginiń 1-tarmaǵymen sotqa deıingi tergep-tekserýdi bastady.
Tıisti saraptamalar taǵaıyndaldy. Ózge aqparat, QR Qylmystyq-prosestik kodeksiniń 201-babyna sáıkes, jarıalaýǵa jatpaıdy.