Kúdikti eki aıǵa qamaýǵa alyndy.
İstiń tergep-tekserilýi erekshe baqylaýǵa alyndy, dep habarlaıdy Almaty-akshamy.kz
Atyraý oblysynyń prokýratýrasy Mahambet aýdanynda jasy kámeletke tolmaǵannyń qaza bolý deregi boıynsha aqparat jarıalady.
Bıylǵy jyldyń 4 shildesinde Atyraý oblysy, Mahambet aýdany, Sarytoǵaı aýylynda aýyldasy keltirgen soqqydan 17 jasar jasóspirim mert boldy.
«Polısıa atalǵan derek boıynsha «Abaısyzda qazaǵa ushyratý» babymen sotqa deıingi tergep-tekserýdi bastady. 11 shildede Atyraý oblysy prokýratýrasynyń nusqaýymen kúdiktiniń áreketi «Abaısyzda jábirlenýshiniń ólimine ákep soqqan densaýlyqqa qasaqana aýyr zıan keltirý» babymen dárejelenip, ol qamaýǵa alyndy», -dep tolyqtyrdy vedomstvo.
13 shildede oǵan qatysty eki aı merzimge kúzetpen ustaý túrindegi bultartpaý sharasy sanksıalandy. İstiń tergep-tekserilýi erekshe baqylaýǵa alyndy.
«Adam jáne onyń ómiri, quqyqtary men bostandyqtary – memleketimizdiń eń joǵary qundylyqtary. Adamnyń ómiri men densaýlyǵyna qol suǵýshylyq zań boıynsha qatań túrde qýdalanady», - dep eskertti qadaǵalaýshy organ.