Jolserikter júkti áıeldi bosandyryp aldy
№29/30 baǵytyndaǵy "Atyraý - Almaty" jolaýshylar poıyzynyń brıgada qyzmetkerleri jolaýshyǵa bosaný kezinde kómek kórsetti, dep habarlaıdy Almaty-akshamy.kz.
Atyraýdan Shymkentke baǵyt alǵan jas anany jolda tolǵaq qysqan. Jolserikter Janar Tasmaǵambetova, Aıǵanym Sultanmuratova jáne Ǵalıa Qaıyrdenova poıyz vagonynda júkti áıeldiń aman-esen bosanýyna barlyq jaǵdaıdy jasady, dep málimdedi "QTJ" AQ baspasóz qyzmeti.
Saǵat 21:52-de sábı dúnıege keldi.
"Nusqaýlyqqa sáıkes, jolserikter kútpegen jaǵdaı oryn alǵanda poıyz mashınısine habar berip, jaqyn mańdaǵy stansıaǵa "jedel járdem" kóligin shaqyrdy", - delingen habarlamada.
Poıyz Qazaly stansıasyna kelip toqtaǵanda, sábıdi anasymen birge "jedel járdem" qyzmetkerleri qarsy aldy.