Almatydaǵy 26 avtonomdy kítaphana stantsıyasy – oqyrmanǵa qoljetímdílíktíń jańa qadamy
Almaty Kítaphanalarynyń 97% tolyq jańǵyrtylǵan. 2025 jyldyń jalpy kítap qory 1 372 423 dana, onyń 432 257-í qazaq tílínde, 911 125-í orys tílínde jáne 27 656-y shet tílínde, - dep habarlaıdy Aqshamnews.kz.
Kítaphanalardyń qoǵamdyq mańyzy kúnnen-kúnge artyp keledí: 2025 jyly 11 aıdaǵy derekke sáıkes, 2,8 mıllıonnan astam tūrǵyn kítaphanalarǵa oqu, bílím alu jáne qarym-qatynas alańy retínde barady.
Búgíngí tańda Almaty qalasynda 37 kítaphana jūmys ísteıdí, olardyń 28-í – Almaty Kítaphanalarynyń bólímshelerí, al 9-y – respublıkalyq kítaphana. Sonymen qatar árbír joǵary oqu ornynda kítaphana bar.
Qala boıynsha úsh kítaphana táulík boıy (24/7 rejımínde) jūmys ísteıdí: Alatau Creative Hub ortalyǵy, Mūhtar Áuezov atyndaǵy kítaphana jáne Jambyl atyndaǵy qalalyq jasóspírímder kítaphanasy.
«Qadamdyq qoljetímdí kítaphana» qaǵıdaty ayasynda 26 avtonomdy ózíne-ózí qyzmet kórsetu stantsıyasy ornatylǵan. Olar sauda ortalyǵy, kovorkıng ortalyǵy men metro beketí syndy halyq kóp júretín jerlerde ornalasqan. Aı saıyn būl stantsıyalar shamamen 300 jańa oqyrmandy tírkeıdí jáne 420-ǵa deıín kítap beredí. Bıyl jyl sońyna deıín qosymsha 6 stantsıya ornatu josparlanǵan.
Kítaphana resursyn barlyq tūrǵynǵa qoljetímdí jasau úshín almatylyq múmkíndígí shekteulí jandarǵa arnalǵan tegín úıge kítap jetkízu qyzmetí jūmys ísteıdí. Būl Almaty qalasy ákímdígímen jáne Yandex Qazaqstan kompanıyasymen bírlesíp qolǵa alynǵan.
Sondaı-aq, A. P. Chehov atyndaǵy ortalyq qalalyq kítaphana, Jambyl atyndaǵy qalalyq jasóspírímder kítaphanasy, Qazaqstandyq Jazushylar kítaphanasy, Alatau Creative Hub ortalyǵy, Mūhtar Áuezov atyndaǵy kítaphana syndy jetí kítaphana bólímshesínde, sondaı-aq №14 jáne №45 kítaphana bólímshesínde kózí nashar kóretín jáne zaǵıp oqyrmandarǵa arnalǵan arnaıy Braıl baǵdarlamalarymen jáne dybystyq ınterfeıstermen jabdyqtalǵan arnaıy bólímder bar.
Tsıfrlandyru salasynda auyz toltyryp aıtar jetístík bar. www.almatylibrary.kz resmı saıty íske qosylǵan. Paıdalanushylarǵa elektrondy oqu zalyna, kítaphanalardyń vırtualdy 3D-turyna, onlaın oqyrman bıletín rásímdeuge jáne kítap jetkízu qyzmetíne qol jetkízu múmkíndígí ūsynylǵan. Qazírgí uaqytta portalǵa 30 451 basylym engízílgen, onyń 13 127-í osy jyly qosyldy, būl jalpy qordyń 61%-y (49 492 atau). Qordy tolyq elektrondy formatqa kóshíru jūmystary jalǵasyp jatyr.
Sonymen qatar №6 kítaphana-bólímshesíníń bazasynda sırek jáne qūndy basylymdardy qalpyna keltíru jáne saqtau jūmystaryn júrgízetín restavratsıya zerthanasy bar. Qazírgí tańda 300-den astam kítap qalpyna keltíríldí, onyń 32-sí sırek kezdesetín basylymdar sanatyna jatady.
Búgínde Almaty Kítaphanalary zamanauı ınfraqūrylymymen, ınklyuzıvtí jáne tsıfrlyq sheshímderímen qala tūrǵyndarynyń mádenı jáne bílím beru ómíríníń ajyramas bólígíne aınaldy. Jańǵyrtylǵan keńístík, qoljetímdí qyzmet men ınnovatsıyalyq format arqyly kítaphanalar tek kítap oqu orny ǵana emes, shyǵarmashylyq pen ózara baılanys ortalyǵyna aınalyp otyr.