20-22 maýsymda Qazaqstanda 9 jáne 11-synyp túlekterine sertıfıkat tapsyryldy. Degenmen mundaı sátke bári qýanbaǵan sıaqty. Sebebi Qaznette mektep túlekteri atestatyn qoqys jáshigine laqtyryp jatqan vıdeo paıda boldy, dep habarlaıdy Almaty-akshamy.kz.
Qazaqstandyqtar túlekterdiń bul áreketin áleýmettik jelide qyzý talqylap jatyr. Keıbireýler mundaı minez-qulyqty aqtaýǵa tyrysady, al basqalary olardy aıyptap álek.
Vıdeony jarıalaǵan adam oqıǵa qaı jerde bolǵanyn naqty kórsetpedi.
Oqý-aǵartý mınıstrligi vıdeoǵa reaksıa bildirip, búginde osy vıdeoǵa qatysqan túlekter anyqtalyp jatqanyn aıtty, dep jazdy Zakon.kz.
«Bilim bólimderine mundaı faktilerdiń aldyn alý úshin oqýshylar men mektep túlekterine, ata-analar qaýymyna túsindirý júrgizý jóninde usynystar berildi», -deıdi oqý-aǵartý mınıstrligi baspasóz hatshysy Mereke Nurmuhanova.