Daýysty 2GIS mobıldi qosymshasynda navıgator baptaýlaryna ótip tańdaýǵa bolady.
2GIS baǵytty qazaqshaǵa daýystaıtyn fýnksıa qosty. Ony mobıldi qosymshanyń baptaýynan qosýǵa bolady. Bul týraly Almaty-akshamy.kz Dropbox.kz-ke silteme jasaı otyryp habarlaıdy.
2GIS bıyl sáýir aıynda geoservıster arasynda birinshi bolyp qazaq tiline aýdarylǵan kartany jáne uıymdardy izdeýdi iske qosty. Endi qosymshaǵa qazaqsha daýystar qosyldy.
«2GIS-tiń alǵashqy qazaq daýystary kásibı almatylyq dıktorlar Bıbigúl Kerimova men Erlanbı Daýletıar boldy. Olar eń kelisti ıntonasıalar men tipti ádettegiden «jandy» sóıleý stılindegi frazalar nusqasyn usyndy. Ádettegideı, bizdiń navıgatorymyzdyń sózderi ádemi, qysqa da nusqa, tym kitap tilindeı emes, tabıǵı qazaq tiline jaqynyraq bolǵanyn qalaımyz», — dedi 2GIS prodúseri jáne redaktory Roman Jaıvoron.
Onyń aıtýynsha, qazaqsha daýystyq baǵyttaýdy kez kelgen marshrýt kezindeqosýǵa bolady. Daýysty 2GIS mobıldi qosymshasynda navıgator baptaýlaryn basyp tańdaýǵa bolady.
Aıta keteıik, sáýir aıynan bastap 2GIS-te qazaq tiline aýdarylǵan kartalar jáne uıymdardy izdeýge bolady. Endi servıste dúkenderdi, dárihanalardy, qoǵamdyq tamaqtaný oryndaryn, mádenı mekemelerdi, kórikti jerlerdi jáne basqa da oryndardy qazaqsha izdeýge bolady.
Bul rette qosymshada tańdalǵan til men navıgatordyń daýsy bir-birine táýeldi emes. Mysaly, qosymshada jalpy orys tili tańdalsa da, daýystyq keńesterdi qazaq tilinde qosýǵa bolady.