"Atqarýshylyq is júrgizý týraly" zańǵa túzetýler engizilgennen bastap, oryndalǵan qujattar sany qyryq bes paıyzǵa artty
2020 jyly sot aktilerin oryndaýdyń tıimdiligin arttyrýǵa baǵyttalǵan "Atqarýshylyq is júrgizý týraly" zańǵa túzetýler qabyldandy, dep habarlady Almaty-akshamy.kz.
Qoldanystaǵy zańnamany buzǵany úshin jeke sot oryndaýshylarynyń jaýapkershiligi qatańdatyldy, bir mezgilde ýákiletti jáne qadaǵalaý organdarynyń, sondaı-aq Jeke sot oryndaýshylarynyń respýblıkalyq palatasynyń ókilettikteri kúsheıtilip, keńeıtildi, dep habarlady Almaty-akshamy.kz.
«Qabyldanǵan zańnamalyq sharalar naqty oryndalǵan qujattar sanynyń 45 % artýyna yqpal etti», - dep habarlady halyqqa esep berý kezinde QR Ádilet mınıstri Marat Beketaev.
Vedomstvo basshysynyń aıtýynsha, birneshe jyl boıy júrgizilip jatqan dáıekti reforma jáne atqarýshylyq is júrgizýdiń elektrondyq formatqa kóshýi óziniń qabilettiligin kórsetti.
Eldegi tótenshe jaǵdaı kezeńinde atqarýshylyq is júrgizý organdarynyń avtomattandyrylǵan aqparattyq júıesi májbúrlep oryndaý sharalaryn úzdiksiz qabyldaýǵa jaǵdaı jasady. «Halyqqa atqarýshylyq is júrgizý taraptarynyń kabıneti arqyly atqarýshylyq qujattardy onlaın rejımde berý múmkindigi berildi», - dedi Marat Beketaev.