Májilis depýtaty, «AMANAT» partıasy fraksıasy jetekshisiniń orynbasary Pavel Kazansev Kókshetaýdaǵy «Novopek» JSHS polımerden jumsaq qaptama óndirý zaýytynyń ujymymen kezdesýde atom energetıkasynyń mańyzdylyǵy týraly pikirin bildirdi.
Pavel Kazansev: - Biz taǵdyrsheshti suraqtar sheshiletin dáýirde ómir súrip jatyrmyz. Atom energetıkasy máselesi — solardyń biri. Qazirgi ýaqytta elimizdiń ońtústik aımaqtarynda elektr energıasynyń tapshylyǵy paıda boldy. Ońtústikte gıdroenergetıkany qamtamasyz etetin qýatty ózender de, kómir ken oryndary da joq. Bul jaǵdaı AES qurylysyn jalǵyz durys sheshimge aınaldyrady.
Kún jáne jel energıasy búginde qoldanysta, biraq olardyń turaqtylyǵy tómen — búgin kún ashyq bolsa, erteń bult torlaýy múmkin. Al atom energetıkasy, basqa energıa kózderinen aıyrmashylyǵy, uzaq jyldarǵa turaqty jáne qýatty energıamen qamtamasyz ete alady. Bul sheshim — tek qajetti ǵana emes, bolashaqta mıllıondaǵan adamdardyń jarqyn ómirin qamtamasyz etemiz desek, sózsiz qabyldanýy tıis sheshim.
Atom energetıkasy — elimizdiń energetıkalyq qaýipsizdigin qamtamasyz etýdegi strategıalyq qadam. Ony iske asyrý — turaqty jáne qýatty energıa kózine qol jetkizýdiń eń tıimdi joly.