Senat depýtattary Nurlan Beknazarov, Nurtóre Júsip jáne Aıgúl Qapbarova «Ońtústik» arnaıy ekonomıkalyq aımaǵyna baryp, óńirlik «ONTUSTIK» telearnasy ujymymen, qalalyq №11 aýrýhana qyzmetkerlerimen jáne «Bal Tekstıl» JSHS jumysshylarymen kezdesti, dep habarlaıdy aqshamnews.kz.
Kezdesý barysynda atom energetıkasynyń damý múmkindikteri, onyń bolashaǵy men Qazaqstannyń energetıkalyq qaýipsizdigine qosar úlesi talqylandy. Senatorlar elimizdiń baı ýran qory men osyǵan sáıkes atom energetıkasyn damytýdyń artyqshylyqtary týraly baıandady. Bul Qazaqstannyń qazbaly otynǵa táýeldiligin azaıtýǵa jáne energetıkalyq teńgerimdi ártaraptandyrýǵa múmkindik beredi.