Qazirgi ýaqytta elimizdiń energetıkalyq qajettiligin shamamen 70%-ǵa qamtamasyz etetin kómir elektr stansıalaryna táýeldilikti azaıtý – basty maqsattardyń biri.
Atom elektr stansıasyn salý osy baǵyttaǵy mańyzdy qadam bolyp tabylady. Atom elektr stansıasy kómirqyshqyl gazy men basqa da lastaýshy zattardyń shyǵaryndysyn azaıtý arqyly qorshaǵan ortaǵa zıandy áserdi tómendetedi jáne klımattyń ózgerýine qarsy kúreste mańyzdy úles qosady.
Qazirgi tańda halyqaralyq standarttarǵa tolyq sáıkes keletin, qaýipsizdiktiń eń joǵary deńgeıindegi jańa atom elektr stansıasyn salý máselesi qarastyrylyp otyr.
Bul stansıalar kez kelgen tótenshe jaǵdaıda adamdar men qorshaǵan ortany qorǵaýǵa basty nazar aýdaryp, arnaıy jobalanǵan.