Endigi ýaqytta ataýly áleýmettik kómek jáne taǵy 11 járdemaqylyq tólem «Azamattarǵa arnalǵan úkimet» memlekettik korporasıasy arqyly júzege asyrylady, dep habarlaıdy Almaty-akshamy.kz Inform.kz-ke silteme jasap.
«Memlekettik tólemderdi ortalyqtandyrý baǵytyndaǵy jumys qarqyndy júrip jatyr. Endigi ýaqytta ataýly áleýmettik kómek jáne jergilikti atqarýshy organdardyń sheshimimen taǵaıyndalatyn 11 áleýmettik kómek tólemin «Azamattarǵa arnalǵan úkimet» memlekettik korporasıasy júzege asyrady. Buǵan deıin ol mindetti jergilikti atqarýshy organdar atqaryp keldi», - dedi Eńbek jáne halyqty áleýmettik qorǵaý vıse-mınıstri Erbol Ospanov Ortalyq komýnıkasıalar qyzmeti alańynda ótken baspasóz máslıhatynda.
Onyń aıtýynsha, áleýmettik jáne eńbek salasy boıynsha qyzmet alýdy jeńildete túsý jumysy jalǵasa beredi.
«Osy kúnge deıin iske asyp jatqan is-sharalar qyzmetke jyldam qol jetkizip, ashyqtyqty qamtýǵa arnalǵan. Sol sıaqty qyzmet túrlerin sırflyq formatqa kóshirý arqyly adamı faktorlardyń aldyn alý kózdeledi», - deıdi ol.