AÁK alýshylar qataryndaǵy 1 jastan 6 jasqa deıingi balalardy qosa alǵanda – 137,3 myń balaǵa qosymsha tólem taǵaıyndaldy.
1 sáýirdegi jaǵdaı boıynsha 87 myń otbasyndaǵy 456,7 myń adamǵa ataýly áleýmettik kómek taǵaıyndaldy, dep habarlaıdy Almaty-akshamy.kz Eńbek jáne áleýmettik qorǵaý mınıstrligine silteme jasap.
Bıyl osy maqsattarǵa búdjetten 73,9 mlrd teńge bólindi.
AÁK otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeıiniń 70%-ynan tómen azamattarǵa taǵaıyndalady.
Osy jyldyń 1 qańtarynan bastap berilgen kepildendirilgen áleýmettik toptama kómektiń tabıǵı nysanynan, monetızasıalaý formatyna qosymsha tólem túrine 1 jastan 6 jasqa deıingi balalardy qosa alǵanda 1,5 AEK mólsherine (2023 jyl – 5175 teńge) aýystyryldy.
2023 jylǵy 1 sáýirdegi jaǵdaı boıynsha, AÁK alýshylar qataryndaǵy 1 jastan 6 jasqa deıingi balalardy qosa alǵanda – 137,3 myń balaǵa qosymsha tólem taǵaıyndaldy.
Qazirgi ýaqytta qazaqstandyqtar AÁK taǵaıyndaýǵa ótinishti turǵylyqty jeri boıynsha jumyspen qamtý ortalyǵynda, aýyl okrýginiń ákimine, sondaı-aq egov.kz elektrondyq úkimet portaly arqyly bere alady.