Raıymbek Batalov «Atameken» QR Ulttyq Kásipkerler palatasy tóralqasynyń jańa tóraǵasy bolyp saılandy, dep habarlaıdy Almaty-akshamy.kz
Daýys berý Ulttyq palatanyń IX kezekten tys sezinde ótti.
«Maǵan senim artqan barlyq delegattarǵa alǵys aıtqym keledi. Palatany birge reformalaý úshin bar kúsh-jigerimdi salatynyma kepildik beremin. Biz jańa palatada birge jumys isteıtinimizge senimdimin. Jaqsylap jumys isteıik», - dedi Raıymbek Batalov óz sózinde.
Buǵan deıin atalǵan laýazymdy Tımýr Qulybaev atqarǵan, 17 qańtarda onyń ókilettigi toqtatyldy.
Dál sol kúni Raıymbek Batalov Ulttyq palata Tóralqa tóraǵasynyń mindetin atqarýshy bolyp saılandy.
Raıymbek Batalov 1970 jyly Almatyda dúnıege kelgen.
Eńbek ótili:
«Rıdder Invest» metalýrgıa kesheniniń basqarýshy dırektory;
«Novodjambýl fosfor zaýyty» hımıalyq kesheniniń jetekshisi;
Tobyl elevatorynyń, Merkidegi qant zaýytynyń, Shymkent JEO-3 basqarýshysy;
«Raıymbek» saýda fırmasynyń negizin qalaýshy, «Raimbek» holdıńi dırektorlar keńesiniń tóraǵasy (1992 jyldan).
Basqa laýazymdar:
Qazaqstan kásipkerleri forýmy keńesiniń tóraǵasy (2002);
SHYU İskerlik keńesiniń basshysy (2005);
QR Májilisi janyndaǵy Qoǵamdyq palatanyń múshesi (2007);
Qazaqstan sý asty sporty federasıasynyń prezıdenti (2009);
QR Premer-Mınıstriniń tóraǵalyǵymen biryńǵaı úılestirý keńesiniń múshesi, QR Prezıdenti janyndaǵy kásipkerlik jónindegi Keńestiń múshesi (2010 jyldan bastap);
Eýrazıalyq ekonomıkalyq komısıanyń Kásipkerlik máseleleri jónindegi Konsýltatıvtik komıtetiniń táýelsiz sarapshysy, Máskeý (2012 jyldan bastap);
ENACTUS Qazaqstan dırektorlar keńesiniń tóraǵasy (09.2015 j. bastap);
Qazaqstan velosport federasıasynyń birinshi vıse-prezıdenti (2015 jyldan bastap);
Azıa velosport konfederasıasynyń vıse-prezıdenti (03.2017 j. bastap);
Qazaqstannyń Ulttyq Kásipkerler palatasy tóralqasynyń múshesi, «Atameken» QR UKP Tóralqa tóraǵasynyń mindetin atqarýshy (02.2022 j.bastap).