Eńbek jáne halyqty áleýmettik qorǵaý mınıstrligi kóshi-qon komıteti tóraǵasynyń mindetin atqarýshy İlıas Ispanov qandastardy elge qaıtarýdyń jańa ádisi týraly aıtyp berdi, dep habarlaıdy Almaty-akshamy.kz. QazAqparatqa silteme jasap.
«Jaqynda Parlamentte Áleýmettik kodeks talqylandy. Onyń aıasynda elimizde «Ata joly» kartasy beriletin boldy. Atalǵan kartany alǵan qandastar Qazaqstanda 10 jyl turýǵa ruqsat alady. Sol arqyly Otanynda eńbek etip, bıznes ashyp, tirshilik etýine múmkindik bar. Bul – sheteldegi qandastardy Otanǵa qaıtarýdyń bir joly. Bul bastamany qolǵa alarda shetel tájirıbesin qarastyrdyq. Álemniń biraz elinde (AQSH, Ulybrıtanıa, BAÁ, Túrkıa, Japonıa, Eýroodaq elderi t.b.) osy sekildi múmkindikter bar», – dedi İlıas Ispanov OKQ-de ótken brıfıńide.
Kóshi-qon komıtetiniń málimetinshe, sheteldegi otandastarymyz elge oralyp, óz kásibin dóńgelete alady.
«Ata joly» kartasymen elge oralǵan qandastarǵa azamattyq berý jaǵy da qarastyrylǵan. Aıta ketetin jaıt, atalǵan joba arqyly kelgen qandastardyń saılaýǵa qatysýǵa jáne saılanýǵa quqyǵy joq», – deıdi ol.