Jogorký Kenesh depýtaty Tazabek Ikramov qart ata-analar úshin eńbekke jaramdy balalardyń jaýapkershiligin kúsheıtýdi usynyp otyr. Ol tıisti zań jobasyn parlamenttiń Konstıtýsıalyq zańnama, memlekettik qurylym, sot-quqyqtyq máseleler jáne reglament jónindegi komıtetiniń otyrysynda tanystyrdy, dep habarlaıdy Almaty-akshamy.kz 24.kg-ge silteme jasap.
Halyq qalaýlysy Qylmystyq jáne Otbasy kodeksterine jáne «Memlekettik qyzmet jáne mýnısıpaldyq qyzmet týraly» zańǵa ózgerister engizýdi usynyp otyr.
Búginde qart ata-anany qarttar úıine qaldyrý qalypty jaǵdaıǵa aınaldy.
«Áleýmettik mekemelerdegi qarttardyń sany artyp keledi. Olar ártúrli sebeptermen sonda keledi, biraq sol áleýmettik mekemede qalýdy jón sanaıdy. Ata-anasyn tastap ketken azamattardy jaýapqa tartý úshin sot sheshimi qajet. Biraq is júzinde birde-bir ata-ana balasyna aryzdanbaıdy. Bul zań jobasy qabyldanǵan kezde adam qarttar úıine kirgen kezde mekeme basshylyǵy avtomatty túrde quqyq qorǵaý organdaryna aryz jiberip, is sotta qaralady», - dedi ol.
Depýtat ata-anasyn qarttar úıine qaldyrǵan azamat jaýapkershilikke tartylsa, aıyppuldy 50 myńnan 100 myń somǵa deıin kóterýdi usynyp otyr. Bul norma Qyrǵyz Respýblıkasy Qylmystyq kodeksiniń 179-baby «Balalardyń ata-anasyn asyraýdan jaltarýy» dep kórsetilgen.
Komıtet músheleri zań jobasyn birinshi oqylymda maquldady.