Maks Plank atyndaǵy Iadrolyq fızıka ınstıtýtynyń (Germanıa) ǵalymdary mıkrokvazarlardyń álsiz aǵynynan jańa bir sáýleniń kózin tapty. Olardyń eńbegi Astrophysical Journal Letters-ke shyqty, dep habarlaıdy aqshamnews.kz
Mıkrokvazar degenimiz ekilik juldyzdar júıesi, olar shaǵyn qaraqurdymnan nemese neıtron juldyzdan jáne kádimgi juldyzdan turady. Qaısysynyń tartylysy kúshti bolsa, ekinshisi sonyń aınalasynda qozǵalady.
Jalpy alǵanda ǵarysh sáýleleri nemese bólshekteri bizdiń planetamyzǵa árdaıym saýlap quıylyp jatady. Juldyzaralyq keńistikten keletin elektrondar men protondar sekildi sýbatom bólshekter Ǵalamda «ǵarysh sáýleleri» dep atalady. Ol sáýleler qaıdan shyqty, Jerge qalaı jetedi – bunyń bári astrofızıkterge jumbaq. Ǵalam toly qupıa ǵoı, rasynda.