Prezıdent Qasym-Jomart Toqaev elordanyń 25 jyldyq mereıtoıyna oraı uıymdastyrylǵan Astananyń baýyrlas qalalary forýmyna qatysyp jatyr.
Forýmnyń taqyryby - «Astananyń 25 jyldyǵy. Jańa perspektıvalar. Jańa múmkindikter». Onyń aıasynda qalalardy damytýdyń ózekti máselelerin jáne olardyń qazirgi jahandyq álemdegi ósýi men ınovasıanyń basty ortalyqtary retindegi róli talqylanady, dep habarlaıdy Almaty-akshamy.kz.
Forýmnyń iskerlik baǵdarlamasy aıasynda túrli salalar boıynsha ótkiziletin 8 paneldik sesıanyń uıymdastyrylýy josparlanǵan:
1) Qalalardy sıfrlyq transformasıalaý: ınovasıalyq jobalar, baǵdarlamalar jáne tehnologıalar;
2) Qalalarǵa ınvestısıalar ekonomıkanyń ósýiniń negizgi draıveri retinde;
3) Bolashaqqa baǵyttalǵan qala qurylysy;
4) Medısınalyq týrızmniń álemdik naryǵy: problemalar men ósý draıverleri;
5) Astana – medısınalyq týrızm kartasynda;
6) Bolashaq baǵdarlamasynyń 30 jyldyǵy: Astananyń adamı kapıtalyna jáne eńbek resýrstaryn damytýǵa qosqan úlesi;
7) FUTURE SMART megacities halyqaralyq ǵylymı-praktıkalyq sımpozıýmy;
8) Ortaǵasyrlyq Eýrazıanyń ýrbanızasıalanǵan keńistikteriniń tarıhyndaǵy Bozoq - halyqaralyq ǵylymı-praktıkalyq konferensıasy.
Halyqaralyq sesıalarǵa baýyrlas qalalar merleri, álemniń 15 elinen bedeldi sarapshylar, álemdik bıznes kóshbasshylary, qarjy ınstıtýttarynyń mamandary, memlekettik jáne ǵylym qaıratkerleri, úkimettik emes jáne halyqaralyq uıymdardyń, jergilikti jáne sheteldik BAQ ókilderi qatysyp jatyr.
İs-sharaǵa AQSH, Ulybrıtanıa, Germanıa, Italıa, Izraıl, Túrkıa, Polsha, Úndistan Reseı, Qyrǵyzstan, Ózbekstan, Japonıa, Ázerbaıjan, Ońtústik Koreıa elderinen qatysýshylar keldi.
Forým qorytyndysymen birqatar halyqaralyq kelisimderge qol qoıý josparlanǵan.