Qulaǵan kran qoldanylmaı, qańtarylyp turǵan
Elordada qatty jel saldarynan munara krany qulady, dep habarlaıdy Almaty-akshamy.kz saıty QR Tótenshe jaǵdaılar mınıstrligi ónerkásip qaýipsizdigi komıtetiniń baspasóz qyzmetine silteme jasap.
"Búgin Syǵanaq jáne Turan kósheleriniń qıylysynda munara krany qulady. Aldyn ala málimet boıynsha kran qatty jelden qulap ketken. Qazir tótenshe jaǵdaıdyń mán-jaıy anyqtalyp jatyr. Oqıǵa ornyna QR TJM ónerkásip qaýipsizdigi komıtetiniń Nur-Sultan qalasy boıynsha departamentiniń qyzmetkerleri shyqty", - delingen komıtet taratqan habarlamada.
Atalǵan vedomstvonyń aqparatyna saı zardap shekkender joq. Málim bolǵandaı, qulaǵan kran qoldanylmaı, qańtarylyp turǵan.