Toǵyzqumalaqty búginde Afrıkanyń segiz elinde 100 jýyq adam oınaıdy, dep habarlaıdy aqshamnews.kz.
24.kz arnasy taratqan aqparatqa saı, bul týraly Dúnıejúzilik toǵyzqumalaq federasıasynyń Afrıka qurlyǵyna jaýapty vıse prezıdenti Kıagaba Hadson habarlady. Onyń aıtýynsha qara qurlyq jurty toqyǵzqumalaqty Dúnıejúzilik kóshpendiler oıyndary arqyly tanyǵan.
Ol Afrıka halyqtarynyń ovarı, mankala syndy ústel oıyndaryna uqsas bolǵandyqtan úırený asa qıynǵa soqpaǵan. Búginde aımaq ókilderi halyqaralyq jarystarǵa qatysyp júr. Tipti onyń zıatkerlik paıdasyn eskerip, mektepterge úıirme retinde engizýge nıetti. Oǵan bıyl elordada ótken halyqaralyq jarys zor yqpal etken.
Kıagaba Hadson, Dúnıejúzilik toǵyzqumalaq federasıasynyń Afrıka qurlyǵy boıynsha jaýapty vıse-prezıdenti:
- Qazir Afrıkadaǵy Benın, Nıgerıa, Gana, Kot-d-Ivýar, Efıopıa, Tanzanıa men Ýgandada toǵyz qumalaqshalar kóbeıip keledi. Atalǵan elderde osy oıynǵa degen qyzyǵýshylyq artyp kele jatqandyqtan, aldaǵy ýaqytta óńirde qurlyqtyq chempıonat ótkizýdi josparlap otyrmyz. Qazir bilikti bapkerler az bolyp tur. Sondyqtan olardy Qazaqstan ne Qyrǵyzstanǵa jiberip sheberlikterin shyńdasaq dep demeýshiler izdep jatyrmyz.
Býkarı Idrıssý, toǵyzqumalaq úıretýshi:
- Benınde toǵyzqumalaqqa qyzyǵatyndar qazir eldegi mádenıet ortalyqtarynda bas qosady. Sońǵy ret ótken qalalyq jarysqa 50 adam qatysty. Jeke ózim ótkizetin toǵyzqumalaq sabaqtaryna 60-qa jýyq oqýshy qatysady. Alda ýaqytta klýb qursam degen oıym bar. Sebebi bul oıyn adamnyń oılaý qabiletine óte paıdaly.