Astanada túnde birneshe kólik soqtyǵysty, - dep habarlaıdy aqshamnews.kz tilshisi.
Astana qalalyq Polısıa departamentiniń málimetinshe, Aqan seri men Vasılıı Radlov kósheleriniń qıylysynda BMW kóliginiń júrgizýshisi Chevrolet kóligimen soqtyǵysqan.
Soqtyǵysýdan keıin BMW qarsy baǵytqa ushyp ketip, taǵy bir Nissan kóligine soǵylǵan.
"Tekserý barysynda BMW júrgizýshisi buǵan deıin kólik júrgizý quqyǵynan aıyrylǵan jáne oqıǵa kezinde mas kúıde bolǵany anyqtaldy", – dep málimdedi departament.
Jol apaty saldarynan Nissan men BMW kólikteriniń jolaýshylary túrli jaraqat alǵan, bireýi aýrýhanaǵa jetkizildi.
BMW kóligi komýnaldyq turaqqa qoıyldy.
"Astana qalasynyń polısıasy júrgizýshilerge jol qozǵalysy erejelerin qatań saqtap, barynsha muqıat bolýdy eskertedi", – delingen habarlamada.