Uly Otan soǵysyndaǵy Jeńistiń 80 jyldyǵyna arnalǵan áskerı paradqa daıyndyq aıasynda 13 naýryzdan bastap jeke quramdy tasymaldaý jáne áskerı tehnıkanyń qozǵalysy bastalady. Áskerılerdi jetkizý jáne tehnıkany kóshirý temirjol arqyly da, óz júrisimen de júzege asyrylady. Bul týraly Aqshamnews.kz saıty habarlaıdy.
Osyǵan baılanysty elimizdiń keıbir aımaqtaryndaǵy joldardyń jekelegen ýchaskelerinde kólik qozǵalysyna ýaqytsha shekteýler engizilýi múmkin. Azamattarǵa saparlaryn aldyn ala josparlap, jol qozǵalysy erejelerin saqtaýǵa keńes beriledi.
Sonymen qatar, 2025 jylǵy 22 sáýir men 7 mamyr aralyǵynda áskerı avıasıanyń jattyǵý ushýlaryn ótkizý úshin Astana qalasynyń áýe keńistigine qysqa merzimdi shekteýler qoıylady. Bul áýe reısteriniń kestesine áser etýi múmkin, sondyqtan jolaýshylarǵa reıster týraly aqparatty aldyn ala naqtylap alýǵa keńes beriledi.
Resmı organdar engizilgen shekteýlerge túsinistikpen qaraýdy, jalǵan aqparat taratpaýǵa jáne tek resmı derekkózderge júginýdi suraıdy.