Elordada turǵyn úı qurylysy alańynda 2 jumysshy joǵarydan qulap qaıtys boldy, dep habarlaıdy qalalyq polısıa departamentiniń baspasóz qyzmeti.
«2023 jylǵy 10 tamyzda «Almaty aýdandyq polısıa bóliminiń kezekshi bólimine «A-City» turǵyn úı kesheniniń qurylys obektisinde bıikten eki adamnyń qulaǵany týraly habarlama kelip tústi. A.Baıtursynov kóshesinde salynyp jatqan 20 qabatty turǵyn úı kesheni qasbettik jumystardy júrgizý kezinde montajdaý kabeliniń úzilýi saldarynan 15-shi qabat bıiktikten 2 jumysshynyń qulaǵany anyqtaldy», - delingen habarlamada.
Polısıa departamentiniń aqparatynsha, 20 jáne 27 jastaǵy jumysshylar oqıǵa ornynda qaıtys bolǵan.
«Atalǵan fakti boıynsha QR Qylmystyq kodekstiń 277-baby 3-bóligi boıynsha sotqa deıingi tergeý júrip jatyr. Barlyq qajetti saraptama taǵaıyndaldy. QR Qylmystyq kodeksiniń 201 babyna sáıkes ózge aqparat jarıalaýǵa jatpaıdy», - deıdi vedomstvodan.