Astanada «DENI SAU ULT» atty Ulttyq medısınalyq samıt ótti. Oǵan Úkimet músheleri, Paralament depýtattary, memlekettik jáne jeke menshik medısınalyq uıymdardyń dárigerleri, oblystyq densaýlyq saqtaý basqarmalarynyń basshylary, otandyq jáne sheteldik sarapshylar, sondaı-aq kásipkerler qatysty.
Sharaǵa qatysýshylar aldynda sóz alǵan QR Premer-Mınıstriniń orynbasary Tamara Dúısenova dárigerlerdiń halyqtyń ómiri men densaýlyǵyn saqtaý, otandyq medısınanyń damýy jolyndaǵy eńbegin atap ótip, alǵys bildirdi. Sondaı-aq vıse-premer salaǵa qatysty Úkimet qolǵa alǵan sharalar týraly aıtyp ótti.
«Bizdiń basty maqsatymyz – halyqtyń qoljetimdi ári sapaly medısınalyq qyzmet alýy úshin jaǵdaı jasaý. Qazirde elimizdiń ár aımaǵynda mamandarymyz kúrdeli otalar, onyń ishinde júrek-qan tamyrlary aýrýlaryna baılanysty operasıalar jasap júr. Bul medısınalyq qyzmet sapasyn aıtarlyqtaı jaqsartýǵa múmkindik berdi. Memleket basshysynyń tapsyrmasyna sáıkes “Aýyldyq densaýlyq saqtaýdy jańǵyrtý” ulttyq jobasy júzege asyrylýda. Onyń aıasynda aýyldarda 655 alǵashqy medısınalyq-sanıtarıalyq kómek kórsetý nysanyn ashý maqsaty tur. Olardyń bir bóligi qazirde ashylyp, jumys istep tur», — dep atap ótti Tamara Dúısenova.
Atap óterligi, Densaýlyq saqtaý mınıstrligi uıymdastyrǵan samıt elimizdiń barlyq óńirinen kelgen 1 500-ge jýyq adamnyń basyn qosty. Shara medısına salasyndaǵy sońǵy jetistikterdi talqylaý men tájirıbe almasý alańyna aınaldy.
Samıt aıasynda dástúrli túrde úzik qazaqstandyq mamandarǵa «ALTYN SHIPAGER» ulttyq medısına syılyǵy tabystaldy. Jeńimpazdar 17 atalym boıynsha marapattaldy. Olardyń qatarynda stasıonar, jedel járdem dárigerleri, aýyldyq jerlerdegi medısına qyzmetkerleri, medısınalyq kolej ustazdary, provızorlar, feldsherler, medbıkeler jáne t.b. mamandar bar.