Astanadaǵy kópqabatty úıdiń besinshi qabatyndaǵy balkon opyrylyp tústi. Sol sátte balkonda turǵan áıel ilinip turǵan temirden ustap, ǵaıyptan aman qaldy dep habarlaıdy «Patrıot» (https://t.me/patriot_patriot/7697).
Balkonnyń plıtasy tórtinshi qabattyń balkonyna túsken, baqytqa oraı ol sátte balkonda eshkim bolmaǵan.
Oqıǵa Grıgorıı Potanın kóshesindegi kópqabatty úıde oryn aldy. Turǵyndardyń aıtýynsha, tótenshe jaǵdaılar departamenti (TJD) úlken jáne aýyr balkon plıtasynyń qaldyqtaryn shyǵarý úshin kelýden bas tartqan. TJD balkondardyń jeke menshik ekenin aıtyp, jaýapkershilikti turǵyndardyń ózine qaldyryp otyr.
TJD jaǵdaıdy turǵyndarǵa jáne páter ıeleri kooperatıvine (KSK) júktese, KSK ókilderi bul mindetterdiń olardyń qyzmetter tizimine kirmeıtinin málimdedi. Endi zardap shekken kórshiler óz máselelerin ózderi sheshýge májbúr bolyp otyr.