Elordanyń 25 jyldyǵyna oraı mádenıetter men halyqtardy biriktirýdiń biregeı quraly áskerı orkestrlerdiń I Halyqaralyq «Astana – mádenıet kerýeni» áskerı-mýzykalyq festıvali ótedi, dep habarlaıdy almaty-akshamy.kz
Qalalyq ákimdiktiń qoldaýymen Qorǵanys mınıstrligi Ázerbaıjan, Úndistan, Qazaqstan, Qytaı, Reseı, Túrkıa, Ózbekstan jáne Japonıa Qarýly kúshteri mýzykalyq ujymdarynyń qatysýymen qazaqstandyqtarǵa erekshe syılyq daıyndaýda.
Festıvál aıasynda elordaǵa bes júzge jýyq mýzykant jınalmaq. Olardyń repertýary marsh, estrada, jaz jáne tanymal klasıkalyq týyndylarǵa baı. Ár komandanyń ózindik stıli, túsi jáne mýzykalyq qoltańbasy bar.
Mundaı kólemdegi is-sharany ótkizý ujymdardyń shyǵarmashylyq ósýine, orkestrlik mádenıetti damytýǵa jáne dostyq baılanystardy nyǵaıtýǵa yqpal etetin bolady.
İs-sharalar 6 shilde kúni bastalady. 19.30-da Esil ózeniniń jaǵasyndaǵy jazǵy amfıteatr sahnasynda orkestrlerdiń qatysýymen Band Marathon ótedi.
Kelesi kúni saǵat 20.00-de mýzykalyq ujymdardyń qoıylymdary ortalyq saıabaqta, "Báıterek" monýmenti men "Han Shatyr"saýda-oıyn-saýyq ortalyǵynda ótedi.
Festıvál 8 shildede aıaqtalady. "Barys Arena" muz saraıynda úlken gala-konsert ótedi. Saǵat 12.00-de bastalatyn konsertte kórermender orkestrler defılesimen qoıylǵan qyzyqty mýzykalyq-teatrlandyrylǵan qoıylymnyń kýási bolady.