Búgin Qazaqstan chempıonatynyń 24-shi týrynyń taǵy úsh oıyny ótedi
"Astana" kútpegen jerden Qazaqstan chempıonatynyń týrnırlik kestesinde kósh bastady. Bul týraly Almaty-akshamy.kz Inbusness.kz-ke silteme jasap habarlaıdy.
"Astana" Qazaqstan chempıonatynyń 24-týry aıasynda "Atyraýdy" qabyldap, senimdi jeńiske jetti. Grıgorıı Babaıan shákirtteri óz jankúıerlerin kezekti iri jeńisimen qýantty – 5:1. Elordalyq klýb oıynshylarynan portýgalıalyq Pedro Eýjenıo het-trık (qazir ol 16 golmen lıganyń úzdik surmergeni) jasasa, Abat Aıymbetov pen Marın Tomasovtar bir goldan soqty. Qonaqtar sapynan Pavel Dolgov kózge tústi.
Qazir 47 upaı jınaǵan "Astana" QPL-2022 týrnırinde birinshi orynda tur. Degenmen búgin, 24 qazanda "Aqtóbe" "Turannan" basym tússe, kóshbasshylyq pozısıasyn qaıtaryp alýy múmkin.
Al "Qyzyl-Jar" Oralda jergilikti "Aqjaıyqpen" teń oınady. Qazaqstan chempıonatynyń 24-týry aıasyndaǵy machta "Qyzyl-Jardy" jeńe almaǵan "Aqjaıyq" óz alańyndaǵy kezdesýdi 2:2 esebimen aıaqtady. Birinshi taımda oraldyqtar oıyndy sátti bastap, 22-mınýtta eki gol soǵyp, Toma Tabatadze men Lýka Imnadze, al "Qyzyljar" sapynan Elgýdja Lobjanıdze bir gol soqty. Ekinshi taımnyń 88-mınýtynda "Qyzyljar" oıynshysy Pavel Iakovlev esepti teńestirip, "Aqjaıyqty" týrnır kestesinde sońǵy orynda qaldyrdy. Qazirgi tańda oraldyqtardyń enshisinde 24 upaı bolsa, "Qyzyljardyń" aktıvinde 27 upaı bar.
"Maqtaaral" kezekti machta óz alańynda "Tobyldan" aılasyn asyrdy. "Túrkistan-Arenada" ótken kezdesý 2:1 esebimen aıaqtaldy. Machtyń birinshi taımynda Konstantın Gorovenko shákirtteri Alekseı Nosko men Ramazan Kárimovtiń arqasynda eki gol soqty. Úzilisten keıin el chempıondary bir gol soqty. Qostanaılyq fýtbolshylardan Vladıslav Vasılev kózge tústi. Sonymen qatar, Serikjan Mýjıkov oıyn sońynda qyzyl qaǵaz aldy. Biraq "Tobyl" jeńilisten qashyp qutyla almady. Osylaısha onyń chempıondyqta degen múmkindigi aıtarlyqtaı tómendedi. Osylaısha "Maqtaaral" aýtsaıderler aımaǵynan shyqty. Qazir QPL debútantynda 27 upaı bar.
Qazaqstan chempıonatynyń 24-týry aıasyndaǵy oıynda "Qaırat" syrt alańda "Shahterdi" utyp, qola júldege múmkindigin saqtap qaldy. Qaraǵandyda ótken kezdesý 2:0 esebimen qonaqtardyń paıdasyna aıaqtaldy. Birinshi taımda almatylyq klýbtyń shabýylshysy Artýr Shýshenachev gol soqty. Úzilisten keıin almatylyq shabýylshy buryshtan berilgen pasty sátti oryndap, dúbl avtory atandy. "Qaırattyń" qazir 39 upaıy bar jáne "Tobyldan" eki upaıǵa artta qalyp, tórtinshi orynda tur. "Shahter" jeńilister serıasyn bes oıynǵa deıin uzartty. Sońǵy ret Vahıd Masýdov shákirtteri 10 qyrkúıekte úsh upaı jınady.
Búgin, 24 qazanda Premer-Lıga komandalary arasyndaǵy fýtboldan Qazaqstan chempıonatynyń 24-shi týrynyń taǵy úsh oıyny ótedi. 15:00-de "Taraz" "Kaspııdi" qabyldaıdy. Saǵat 17:00-de "Aqsý" - "Ordabasy" oıyny bastalady. Al saǵat 19:00-de "Aqtóbe" óz stadıonynda "Turanǵa" qarsy oıyn ótkizip, "Astanadan" kóshbasshylyqty qaıtaryp alýǵa tyrysady.