Álemniń 47-raketkasy atanǵan qazaqstandyq tenısshi Iýlıa Pýtınseva Astana Open WTA 250 týrnıriniń jartylaı fınalyna shyqty, dep habarlaıdy Almaty-akshamy.kz Olympic.kz-ke silteme jasap.
Osy dodanyń birinshi raketkasy bolyp tirkelgen qazaqstandyq tenısshi shırek fınalda dúnıejúzilik reıtıńte 160-orynda turǵan reseılik Anastasıa Gasanovamen kezdesti. Birinshi sette Pýtınseva 6:3 esebimen basymdylyq kórsetti. Ekinshisinde qarsylasy ese qaıyrdy - 6:4. Úshinshi, sheshýshi partıada Iýlıa Pýtınseva Gasanovany tas-talqan etti - 6:0. Eki saǵattan astam ýaqytqa sozylǵan machta Pýtınseva 2 eıs jasap, 18 breık-poınttyń segizin paıdalana bildi. Qarsylasy 1 eıs, 4 breıkten asa almady.
Iý.Pýtınseva fınalǵa shyǵý úshin álemniń 80-raketkasy, taǵy bir reseılik Anastasıa Potapova nemese odan alty satyǵa tómen turǵan shvesıalyq Rebekka Petersonnyń bireýimen talasady.