«Qyzyl» mártebesi barlarǵa aıyppul salyndy
COVID-19-ǵa PTR test tapsyryp, oń nátıjesin alǵan almatylyqtar qoǵamdyq oryndarǵa baryp, «ASHYQ» boıynsha jumys isteıtin nysandarda, dálirek aıtqanda, HQKO, meıramhanalar, fıtnes-ortalyqtar, áýejaı, kınoteatrlar, kompúterlik klýbtar, baseınder sıaqty basqa da nysandardyń qyzmetterin paıdalanýǵa tyrysty.
«Ashyq arqyly 14 kúndik úı karantınin buzǵan 267 almatylyq ákimshilik jaýapqa tartylyp, 30 AEK kóleminde aıyppul tóledi», - dep habarlady sanıtarlyq-epıdemıologıalyq baqylaý departamenti.
«Qyzyl» statýsy anyqtalǵan turǵyndar «ASHYQ» jobasy boıynsha jumys isteıtin obektilerge jiberilmeıdi. Ózin-ózi oqshaýlaý rejımin kóbinese keńse uıymdary, áleýmettik sala, bilim berý uıymdary, bankter, saýda, qarjy naryǵy, áleýmettik qyzmetter, qoǵamdyq tamaqtaný jáne basqa da nysandardyń qyzmetkerleri buzady», - delingen habarlamada.
Sanıtarlyq-epıdemıologıalyq baqylaý departamenti ambýlatorlyq em alyp jatqan azamattardy ózin-ózi oqshaýlaý rejımin buzbaýǵa jáne qoǵam aldynda azamattyq jaýapkershilikti umytpaýǵa shaqyrady.