Astana ákimi Jenıs Qasymbek elordada jylytý maýsymynyń bastalýy men qaladaǵy jylýmen jabdyqtaý máseleleri týraly málimdedi.
Onyń aıtýynsha, jylytý maýsymyndaǵy máselelerdiń sheshimi gazdy jylý stansıalarynyń iske qosylýymen baılanysty, dep habarlaıdy aqshamnews.kz.
Ákim Prezıdentke ótken jyly iske qosylǵan «Ońtústik-SHyǵys» gaz jylý stansıasy, «Týran» gaz jylý stansıasynyń birinshi kezeńi qaladany jylýmen qamtamasyz etedi. Bul jobalar Astanaǵa 1100 Gkal/saǵ jylý berýge múmkindik beretinin sóz etti. Al jańa jylǵa deıin «Týran» gaz jylý stansıasynyń ekinshi kezeńi aıaqtalyp, bul taǵy 250 Gkal/saǵ jylý qýatyn qosatynyn aıtty.
Astana qalasynyń ákimi Jeńis Qasymbek sonymen qatar bilim berý salasynda iske asyrylyp jatqan jobalarǵa da toqtaldy.
Jańa oqý jylynda josparlanǵan 24 mekteptiń 15-i paıdalanýǵa berilgenine toqtaldy. Onyń 9-y "jaıly mektep" ulttyq jobasy aıasynda salynǵan.
Qalanyń stýdentterine arnalǵan 6 jańa jataqhana salynyp jatyr. Onyń ishinde 4 jataqhana qazirgi ýaqytta jumys istep tur, olar jalpy 4,5 myń orynǵa arnalǵanyn jetkizdi.
Jylytý maýsymynyń bastalýy men bilim berý jobalarynyń júzege asyrylýy Astana qalasynyń ınfraqurylymyn damytýdaǵy mańyzdy qadamdar bolyp tabylady.