Asqar Mamınge densaýlyq saqtaý ınfraqurylymyn damytý týraly baıandaldy
QR Premer-Mınıstri Asqar Mamın «Astana medısına ýnıversıteti» KEAQ janyndaǵy Birikken ýnıversıtet aýrýhanasynyń qurylys alańyna bardy. Densaýlyq saqtaý ınfraqurylymyn damytýdyń jańa standarttaryn engizý máseleleri qaraldy, olardy memlekettik-jeke menshik áriptestik aıasynda elimizde 20 iri kópbeıindi aýrýhana salý arqyly iske asyrý josparlanyp otyr, dep habarlady Almaty-akshamy. kz. QR Premer-Mınıstrdiń saıtynda jarıalanǵan habarǵa silteme jasap.
Olardyń ishinde 4 klınıka elimizdiń jetekshi medısınalyq ýnıversıtetteriniń janynan salynatyn bolady, bul ǵylymdy, bilim berýdi jáne emdeý prosesin keshendi túrde damytýǵa, klınıkalyq zertteýlerdiń tıimdiligin arttyrýǵa múmkindik beredi. Osyndaı zamanaýı mekemelerdiń biri «Astana medısına ýnıversıteti» KEAQ janyndaǵy Birikken ýnıversıtet aýrýhanasy bolady. Medısınalyq ortalyq JCI halyqaralyq standarttaryna saı, 800 tósektik táýliktik stasıonardy, kúndizgi stasıonardy, konsýltasıalyq-dıagnostıkalyq keshendi, ǵylymı-zertteý jáne klınıkalyq zerthanalardy, aýdıtorıalar men oqý synyptaryn qamtıtyn bolady. Jobany 2023 jyldyń İ toqsanynda iske asyrý kózdelgen.
«Halyqaralyq standarttarǵa saı keletin zamanaýı medısınalyq ınfraqurylymnyń bolýy elimizdiń búkil densaýlyq saqtaý júıesin odan ári damytý úshin túbegeıli mánge ıe. Aldymyzda densaýlyq saqtaý ınfraqurylymyn jáne medısına qyzmetkerleriniń biliktiligin jańǵyrtý boıynsha aýqymdy mindetter tur, bul halyqqa medısınalyq qyzmetterdi sapaly jańa deńgeıde kórsetýge jol ashady», — dedi Asqar Mamın bolashaq medısına ortalyqtarynyń shoý-rýmyn tekserý kezinde.
Inspeksıalyq saparǵa Premer-Mınıstrdiń orynbasarlary Roman Sklár men Eraly Toǵjanov, Nur-Sultan qalasynyń ákimi Altaı Kólginov, densaýlyq saqtaý mınıstri Alekseı Soı, ındýstrıa jáne ınfraqurylymdyq damý mınıstri Beıbit Atamqulov qatysty.