Jol aıyryǵynda betondaý jáne asfálttaý jumystary bastaldy.
Jobanyń aıaqtalý merzimi 2021 jyldyń qazan aıyna belgilengen, dep habarlaıdy Almaty-akshamy.kz «QazAvtoJol» UK» AQ baspasóz qyzmetine silteme jasap.
Memleket basshysy Qasym-Jomart Toqaev 2021 jyldyń qazan aıynda «Almaty-Bishkek» avtojolynyń 786-790 shaqyrymy (16-19 shaqyrymy «Altyn Orda») «Raıymbek-Almaty» ýchaskesiniń kólik júretin bóligin keńeıtý boıynsha kúrdeli jóndeý» nysanyn aıaqtaý qajettiligi týraly tapsyrma bergen bolatyn. «Almaty-Bishkek» avtojolynyń «Altyn orda» bazarynyń ýchaskesinde joldyń júrý bóligine asfált tóseý jáne bas magıstraldyq estakadanyń betonyn quıý jumystary bastaldy.
Sondaı-aq, jaryqtandyrý qurylǵylary boıynsha jumystar aıaqtalyp, negizgi avtojolda qozǵalys ashyldy. Budan basqa, temir-beton plıtalaryn metal konstrýksıalaryna montajdaý, qurylys qalyptaryn montajdaý júrip jatyr. Shilde aıynyń basynda asfáltbeton tósemin ornatý jáne abattandyrý jumystary aıaqtalǵannan keıin «Taǵa» túrindegi estakada arqyly qozǵalysty ashý josparlanýda.
Qazirgi ýaqytta ýchaskide 100 adam jáne 15 birlik arnaıy tehnıka jumysqa jumyldyrylǵan. Eki aýysymdyq jumys uıymdastyrylǵan.
Nysannyń aıaqtalýy 2021 jyldyń qazan aıyna josparlanǵan jáne ol QR Indýstrıa jáne ınfraqurylymdyq damý mınıstri Beıbit Atamqulovtyń erekshe baqylaýynda.