«Qyzyl» aımaqtardaǵy óńirlerde demalys kúngi lokdaýndardy saqtaý qajet. Bul týraly Úkimet otyrysynda QR Premer-Mınıstri Asqar Mamın aıtty, dep habarlaıdy almaty-akshamy.kz QazAqparatqa silteme jasap.
«Halyqtyń shekteý talaptarynyń oryndalýyn baqylaýdy jalǵastyrý kerek. Bul úshin óńirlerde monıtorıń toptarynyń sany kóbeıtildi, olardyń qyzmetiniń tıimdiligin kúsheıtý qajet. Barlyq óńirler men memlekettik organdar vaksına saldyrýdyń qajettigi týraly aqparattyq jumysty keńeıtilsin», - dedi Asqar Mamın.
Sonymen qatar Úkimet basshysy «qyzyl» aımaqtardaǵy óńirlerde demalys kúngi lokdaýndardy saqtaý qajettigin basa aıtty.
«Búgingi kúni tirkelgen «ASHYQ» paıdalanýshylar sany – 4 mln-nan astam. Qazirdiń ózinde jobaǵa 111 myń bıznes sýbektisi qatysady. Bıznespen jumysty jalǵastyryp, jobaǵa qatysýshylar sanyn ulǵaıtý kerek», - degen Premer-Mınıstr bul máseleni jalpy baqylaýda ustaýdy orynbasary Eraly Toǵjanovqa tapsyrdy.