Almaty qalasy Turǵyn úı saıasaty basqarmasynyń basshysy Danıar Qyryqbaev Almatyda 2020-2025 jyldarǵa arnalǵan «Nurly jer» turǵyn úı-kommýnaldy damý memlekettik baǵdarlamasynyń oryndalýy týraly aıtty, dep habarlaıdy almaty-akshamy.kz
Óńirlik komýnıkasıalar qyzmetiniń baspasóz konferensıasynda spıker aǵymdaǵy jylǵa josparlanǵan 130 úıdiń 58-inde jóndeý jumystary aıaqtalǵanyn, taǵy 72 úıde jumystyń júrip jatqanyn aıtty.
Danıar Qyryqbaev Almatyda 11 myńnan astam jedelsaty jumys istep turǵanyn, onyń ishinde 5 681-i turǵyn úı qorynda, 25 jyldan astam paıdalaný merzimi bar 1 005 ekenin aıtty.
«Bıyl 124 úıdegi 273 jedelsatyny aýystyrý aıaqtaldy. Jylyna 300 jedelsaty aýystyrý mólsherlemesimen, 2025 jylǵa qaraı qyzmet merzimi ótken eskirgen jedesatylardyń negizgi bóligi aýystyrylady», - dedi Turǵyn úı saıasat basqarmasynyń basshysy.
Danıar Qyryqbaev Almatyda basqarýdyń jańa formalaryna kóshýdiń qalalyq Jol kartasy bekitilgenin atap ótti.
«Búginde 498 OSI tirkeldi jáne 729 PT kondomınıým obektilerin basqarýdyń jańa túri retinde tańdady. Qalada barlyǵy 1227 jańa basqarý formasy bar», - dedi Danıar Qyryqbaev.
Turǵyn úı saıasaty basqarmasynyń basshysy vedomstvolarynda aýlalardyń tazalyǵy men abattandyrylýyna erekshe kóńil bóletinin qosyp aıtty. Mysaly, Almatyda 8 003 konteıner ornatylǵan 1454 alań bar.
«Biz qala turǵyndarynyń qoqys qaldyqtaryn jınaý men shyǵarýdy 100% qamtamasyz ettik. Bul qyzmetterdi qoqys jınaıtyn 25 uıym kórsetedi. 142 konteınerlik alańǵa kúrdeli jóndeý júrgizildi», - dep naqtylady Danıar Qyryqbaev.
Spıker qol qoıylǵan memorandýmdar aıasynda jeke ınvestorlar qoqys qaldyqtaryn bólek jınaýdy ornatqan: qosalqy shıkizatty jınaýǵa arnalǵan 900 torly konteınerler bar. Jyl sońyna deıin barlyq aýmaqty qamtý josparlanýda. Sondaı-aq, aqyly negizde qaıtalama shıkizatty qabyldaý úshin 32 pýnkt bar. Jyl sońyna deıin taǵy 4 aqyly pýnktti ashý josparlanýda.
Bul rette sapasyz jumys úshin 10 komýnaldyq qyzmet pen 11 qoqys shyǵarýshy uıymǵa jalpy somasy 1,5 mln teńge bolatyn aıyppul salyndy.
Jalpy alǵanda, birinshi jartyjyldyqta abattandyrý Erejelerin buzǵan zańdy jáne jeke tulǵalarǵa jalpy somasy 16,2 mln teńge bolatyn 1 109 hattama toltyryldy.