Bas aýyra qalsa, bárimiz jatqa biletin dári - ol aspırın. Aspırındi dárigerdiń nusqaýynsyz óz betterinshe qoldanatyn adamdar jetkilikti. Tipti dárihanadan onyń birneshe oramasyn biraq alyp qoıyp jatamyz. Biraq bulaı jasaý dárigerlerdiń sózinshe beker eken. Sebebi kez kelgen dárini tutynbas buryn mamanmen keńesý kerek.
Reseılik kardıolog Zakıev aspırındi qabyldaý ınsýltqa ákelip, sońy qan ketýge ákelýi múmkin ekenin aıtady.
Aspırındi eshbir negizsiz qabyldaý aýyr zardaptarǵa, sonyń ishinde qan ketý ınsýltine ákelýi múmkin. Bul týraly RGSÝ medısına fakúltetiniń farmakologıa jáne klınıkalyq farmakologıa kafedrasynyń oqytýshysy, kardıolog Vadım Zakıev málimdedi.
Ol aspırın pasıentterge qaıtalanatyn ıshemıalyq ınfarkt pen ınsýlttan saqtaý úshin taǵaıyndalatynyn túsindirdi. Dárilik preparatty ashyq jaralar men qan ketý kezinde qoldanýǵa bolmaıdy.
Sondaı-aq, preparatty dene kógerip, murynnan qan ketken kezde de qabyldaýǵa keńes berilmeıdi. Alaıda, dárigerdiń aıtýynsha, bul jaǵdaıda olardyń mańyzdylyǵyn baǵalaý qajet.
Aspırındi mıokard ınfarktisi, ıshemıalyq ınsýlt, aıqyn ateroskleroz, júrektiń ıshemıalyq aýrýy jáne júrek jumysyna baılanysty basqa aqaýlar kezinde júrek-qan tamyrlary aýrýlary bar adamdar qoldanady. Preparatty tek dáriger taǵaıyndaı alady, ol sonymen qatar, dáriniń paıdasy men odan bolýy múmkin qaýiptiń tepe-teńdigin qalaı eseptegenin túsindirýi kerek. Olaı bolmaǵan jaǵdaıda, dárigerdiń biliktiliginiń tómen ekenin kórsetedi, dep atap ótti Zakıev.
Kóptegen adamdar aspırındi jyldar boıy qoldanyp keledi, biraq odan bolatyn jaǵymsyz áseri de kóp, sonyń ishinde: qyjyl, asqazan aýrýy, asqazan jarasy jáne ishki qan ketýler. Zakıev atap ótkendeı, onyń tájirıbesinde aspırınniń negizsiz taǵaıyndalýynan zardap shekken naýqas bolǵanyn aıtty. Saldarynan naýqastyń mıyna qan ketken (gemorragıalyq ınsýlt). Dárigerdiń ózi aspırındi uzaq ýaqyt qabyldamaǵanyn aıtty.
Zakıev áriptesterine júrek-qan tamyrlary aýrýlarynyń aldyn alý úshin statınderdi taǵaıyndaýdy usyndy. Olar «jaman holesterındi» jáne mıokard ınfarktisi men ınsýlt qaýpin azaıtady. Bul jaǵdaıda olardyń janama áserleri az bolady.