Oqytý ınteraktıvti vebınarlar túrinde ótti.
Qarýly Kúshterdiń áskerı basqarý organdary men mekemeleriniń áskerı qyzmetshileri kıberqaýipsizdiktiń negizgi baǵyttary boıynsha oqytýdan ótti, dep habarlaıdy Almaty-akshamy.kz.
QR Ulttyq qaýipsizdik komıteti akademıasynda kıbergıgıena salasynan habardar bolýdy arttyrýǵa baǵyttalǵan úsh kúndik kýrs aıaqtaldy.
«Áskerı mamandar kıberqaýipsizdiktiń álemdik salasyn damytýdyń ózekti úrdisterimen tanysty, sondaı-aq onyń Qazaqstan Respýblıkasyndaǵy damýynyń negizgi baǵyttaryn da zerdeledi»,- delingen Qorǵanys mınıstrliginiń baspasóz qyzmetiniń habarlamasynda.
Oqytý ınteraktıvti vebınarlar túrinde ótti. Bul joǵary bilikti oqytýshylarmen jedel qarym-qatynas jasaýǵa, sondaı-aq kıberqaýipsizdiktiń mańyzdy aspektilerinen ótkir pikirtalastar men onlaın rejımde baqylaý synaqtaryn ótkizýge múmkindik berdi.
Kýrsqa qatysýshylar kompúterlik qylmystardyń negizgi túrlerin zerdelep, áleýmettik ınjenerıa ádisterin jáne kıberqaýipsizdik oqıǵalaryn basqarý algorıtmin zerttedi. Oqý sabaqtarynyń kontent mazmuny halyqaralyq standarttar men neǵurlym naqty keısterge negizdelip otyr. Al kıberqaýipke júrgizilgen egjeı-tegjeıli taldaý kıberkeńistiktegi eń ózekti syn-tegeýrinderge (fıshıng, DDOS-shabýyldar, nysanaly jelilik shabýyldar jáne t.b.) baılanysty bilim alýshylardyń barlyq suraqtaryna jaýap berdi.
Kýrstyń qorytyndysy boıynsha Qazaqstan Respýblıkasy Qarýly kúshteriniń áskerı bólimderi men mekemelerinde oqytýdyń onlaın-formattaryn jalǵastyrý týraly sheshimdi bári biraýyzdan qoldady.